Géint 10.30 Auer koum et op der Streck tëscht Garnech an dem Wandhaff zu engem Accident.

De Chauffer, deen an Direktioun Garnech ënnerwee war, hat d'Kéier verpasst an ass ongebremst mat sengem Won iwwert e Rampli ewech geflunn. Den Auto krut 4 Beem ze paken, 2 dovun sinn duerch de relativ heftegen Opprall ëmgefall, an ass duerno an engem Bësch un d'Hale komm.

De Mann koum uerg verwonnt an d'Spidol. D'Streck war wärend de Rettungs- an Opraumaarbechte fir ronn 40 Minutte gespaart. Op der Plaz waren d'Pompjeeë Koler a Mamer mat enger Ambulanz, de Samu an d'Police.