Wéi d'Police mellt, hate géint 1.30 Auer an der Nuecht op e Samschdeg e puer Leit sech am Garer Quartier an d'Hoer kritt.

Ee vun de bedeelegte Persounen hat no der Ausernanersetzung Stéch- a Schnëttverletzungen an huet missen an d'Spidol.

Fir déi genee Ëmstänn vum Sträit ze klären, sicht d'Police no Zeien. Sämtlech Informatioune si fir d'Police Lëtzebuerg-Gare um 24429-500.

Zu Miersch gouf um Freideg den Owend géint 19.45 Auer eng Foussgängerin ugestouss. D'Fra koum mat liichte Blessuren an d'Spidol.

Iwwerdeems hunn dräi Autoschaufferen hire Permis missen ofginn. Allen dräi haten si ze vill gedronk. Zwee weider Chauffere goufe protokolléiert.