Dës Foto op der Une vum Site BestnewsGH.com krut den Titel "Meet the Prime Minister of Luxembourg Xavier Bettel and his wife Gauthier Destenay".

Wien dës Leit op der Foto wierklech sinn, war net iwwerliwwert, bis ee Fan vum Conchita Wurst eis Biller vum neie Look an dem neie Numm vun der "Wurst" geschéckt hunn. Domadder ass op mannst d'Identitéit vun enger Persoun an der Koppel op der Foto elo kee Geheimnis méi.

© Kleine Zeitung (Éisträich)

De Journalist vum Artikel op deem Site BestnewsGH.com beschreift sech op alle Fall als "Award Winning Ghanaian Journalist". Vill investigativ recherchéiert huet hien hei awer wuel net.

Datt deen Artikel zënter senger Publikatioun den 10. Abrëll ëmmer nees gedeelt a weltwäit deels fir bor Mënz geholl gëtt, seet kloer eppes iwwer d'Gefor vun Twitter aus: Wéi an enger Etude vum MIT vum Oktober 2018 festgestallt gouf, deelen 70 Prozent vun de Leit eng News op Twitter leider éischter dann, wa se e Fake ass.