Da gouf et nach e weideren Accident mat engem Blesséierten op der Bollenduerfer-Bréck, wou en Auto an e Moto net laanschtenee koumen.

Géint 16.40 Auer gouf  et en Accident mat 2 Blesséierten. E Moto an e Vëlo waren tëscht Steenem a Rouspert anenee gerannt. D'Wucht vum Schock hat dofir gesuergt, datt béid Persoune vun hirem Gefier gefall sinn an uerg blesséiert goufen. Ee vun den zwee war esou uerg verwonnt, datt de Samusdokter d'Persoun huet misste behandelen de Rettungshelikopter si an d'Spidol huet misste bréngen. D'Ambulanze vun Iechternach a vu Mäertert goufen op d'Plaz geruff, grad wéi d'Asazzentere vu Rouspert a Mäertert. D'Streck gouf deelweis wéinst dem Accident gespaart.

© CIS Gréiwemaacher

Kuerz virdru hat et op der Bollenduerfer-Bréck gerabbelt, nodeems en Auto an e Moto net laanschtenee komm sinn. Eng Persoun gouf blesséiert. D'Asazzentere vu Bäerdref, Bollenduerf an Iechternach waren op der Plaz, grad ewéi d'Ambulanz vun Iechternach.