4 liicht Blesséierter gouf et an engem Accident tëscht engem Auto an engem Motto e Sonndeg géint 20.30 Auer tëscht Bech-Klengmaacher a Réimech.

Géint 22.45 Auer e Sonndeg den Owend war zu Biekerech ee Chauffer mat sengem Gefier an ee Bam gerannt. Wéi d'Police matdeelt, war den Automobilist an enger Kéier riichtaus an de Bam gerannt a gouf dobäi liicht blesséiert. Op der Plaz hunn d'Beamte festgestallt, dass de Mann ze vill gedronk hat. Den Alkoholtest war positiv an de Chauffeur gouf protokolléiert.

Liicht blesséiert gouf och eng Persoun an engem Accident géint 20.30 Auer tëscht Lenzweiler a Boxer. Zwee Ween waren net laanschtenee komm.

Kuerz no 18.30 Auer e Sonndeg den Owend hat et op der Stater Gare an der Rue du Fort Wedel an engem Appartement gebrannt. D'Pompjeeën aus der Stad a vun Hesper waren op der Plaz. Et ass kengem eppes geschitt.