Bei deem Accident um fréie Mëttwoch den Owend goufen zwou Persoune blesséiert, eng dorënner schwéier.

E Mëttwoch kuerz no 18 Auer gouf et en uergen Accident tëscht enger Camionnette an engem Auto op der Streck tëscht Dikrech a Steeën.

Zwou Persoune goufen dobäi blesséiert, eng dovu schwéier. Ënnert anerem d'Air Rescue war op der Plaz.

D'Strooss war nom Accident blockéiert.

© Domingos Oliveira

Accident tëscht Dikrech a Steeën (24.4.19)
Op der N14 krute sech eng Camionnette an en Auto ze paken. Zwou Persoue goufe blesséiert, eng dovu méi schro.

Zu Esch am Neiduerf hate sech e Mëttwoch géint 16.20 Auer direkt 3 Ween ze pake kritt. Dobäi ware 4 Persoune blesséiert ginn. Am Asaz waren zwou Ambulanzen an d'Pompjeeë vun Esch.

Dräi Blesséierter gouf et an engem Accident géint 19.40 Auer e Mëttwoch den Owend op der A13 tëscht dem Tunnel Fréiseng an Helleng. Een Auto war hei no engem Accident a Brand geroden. Wéi uerg d'Affer blesséiert goufen, ass net gewosst.

Géint 21.20 Auer war an der Neiduerfer Strooss an der Stad eng Persoun vun engem Auto ugestouss ginn a gouf dobäi verwonnt.

Blesséiert gouf och eng Persoun an engem Accident géint 19.40 Auer op der Escher Autobunn op der Héicht vu Leideleng.