Dem Koalitiounsaccord vun der Regierung no soll d'Legaliséierung vum Cannabis am Laf vun deenen nächsten 5 Joer an dréchenen Dicher sinn.

Cannabis zu Lëtzebuerg
De "Consumer Choice Center" ass eng US-amerikanesch Organisatioun, déi sech fir d'Fräiheeten, d'Rechter an den Interessi vun den Consommateuren asetzt.
AUDIO: Legaliséierung vu Cannabis - Reportage Chris Meisch

Den "Consumer Choice Center" ass eng US-amerikanesch Organisatioun, déi Lobbyismus bedreiwt fir d'Fräiheeten, d'Rechter an den Interessi vun den Consommateuren. Si hunn sech an dem Kontext Zäit geholl, fir dem Grand-Duché hier Mesuren an Erfarunge vun enger intelligenter Legaliséierung vu Cannabis ze presentéieren. De Yaël Ossowski, Direkter vun der Organisatioun betount och, dass d'Consommateure vu Cannabis dëse Wee, dës nei Innovatiounen och appreciéieren.

AUDIO: De Yaël Ossowski vum "Consumer Choice Center"

Déi zwee kanadesch Vertrieder vun der Organisatioun "Consumer Choice Center" wollten donieft Lëtzebuerg de kanadesche Cannabis-Modell méi no bréngen. Hinne geet et drëms, hier Point de vu'en, Denkweisen a virun allem hier Léier vun enger intelligenter Legaliséierung vu Cannabis an Kanada ze presentéieren. 3 Deeg sinn se op Visitt hei am Land a versichen duerch Pressekonferenzen an Treffe mat ënner anerem der LSAP an dem LCGB hir Iddien ze verbreeden an der Hoffnung, dass sech d'Regierung dorun orientéiert.

3 Deeg sinn se ob Visitt hei am Land a versichen duerch Pressekonferenzen an Treffe mat ënner anerem der LSAP, DP, ADR, CSV an dem LCGB hir Iddi'en ze verbreeden an der Hoffnung dass sech d'Regierung dorun orientéiert.

Déi Gréng hunn en Donneschdeg de Mëtteg ofgesot. De Justizminister Félix Braz an de Gesondheetsminister Etienne Schneider, déi als déi zoustänneg Ministeren un der Legaliséierung vum Cannabis schaffen, huelen dogéint awer net Deel un hire Meetingen.