E Méindeg de Moie koum et tëscht Habscht an der Kräizerbuch zu engem Accident. Dass et sech ëm presuméiert Abriecher sollt handelen, war e falschen Alarm.

D'Police hat op Facebook gemellt, dass méiglecherweis Abriecher tëscht Habscht an der Kräizerbuch no engem Accident ze Fouss ënnerwee sinn. Géint 14.30 Auer koum d'Entwarnung, de Chauffer wier ermëttelt an dat accidentéiert Gefier géif net am Zesummenhang mat engem Abroch stoen.

Wéinst dem Verdacht op gefälschte Pabeiere goufen Ermëttlunge lancéiert.

Dat war gemellt ginn

Mat der Iwwerschrëft "Einbrecher auf der Flucht?" huet d'Police e Méindeg de Moien op Facebook op en Accident opmierksam gemaach.

Géint 7.00 Auer hat en däischterbloe Peugeot 607, an net wéi d'Police am Ufank gemellt hat e 508, mat franséische Placken um CR106b tëscht Habscht an der Kräizerbuch en Accident. D'Placke wiere gefälscht an d'Passagéier op der Flucht.

Weider huet et geheescht, et soll een an där Géigend kee mam Auto mathuelen.