Eng nei Campagne soll d'Formation professionnelle an d'Kompetitioune fir Handwierker a Beruffer zu Lëtzebuerg promoten.

"Skills United" heescht d'Campagne, déi en Dënschdeg virgestallt gouf. Si soll d'Formation professionnelle méi attraktiv maachen an d'Kompetitioune fir verschidden Handwierksberuffer an och aner Beruffer virstellen.

D'Campagne ass dann och e Projet vun der Worldskills Luxembourg Asbl, déi als Haaptmissioun huet, Jonker fir professionell Ausbildungen a fir déi national, europäesch an international Concoursen an deem Beräich ze sensibiliséieren (Luxskills, Euroskills, Worldskills).

2020 gëtt iwwregens zu Lëtzebuerg ewell déi 10. Oplo vun de LuxSkills gefeiert. Do ginn dann déi national Championen an e sëlleche Beruffssparten an Handwierksbranchen ënnert de Schüler gesicht.

Bei der Campagne, déi vum Edukatiounsministère geréiert gëtt, geet et drëm ze weisen, wéi villfälteg d'Aarbecht an engem Beruff oder Handwierk ka sinn, an dann och nei motivéiert Jonker fir si ze fannen. Doriwwer eraus gëtt awer och no Coache fir déi Jonk gesicht an no Partner, déi bereet sinn, dat alles ze ënnerstëtzen.

Am Resumé heescht dat:

- Dans une première phase, Skills United vise à attirer une plus grande attention sur les concours nationaux et à rendre les concours plus compétitifs en y intégrant de nouveaux métiers et de nouvelles professions. La campagne vise également à attirer davantage de candidats, prêts à accepter ce défi.

- Qui dit plus de candidats en compétition, dit plus de coaches pour garantir un encadrement optimal. C'est dans cet esprit que la campagne cible les acteurs du milieu scolaire ou professionnel, voire les anciens candidats prêts à s'engager auprès des jeunes participants.

- Tout concours nécessite des partenaires (écoles, entreprises de grande ou de petite taille) pour mettre à disposition les ressources nécessaires dans les différents domaines, que ce soit pour les coaches, les jeunes talents ou l'association elle-même.

Weider Infoe gëtt et um Internetsite www.skillsunited.lu.

RTL-Reportagen 2016 an 2018

VIDEO: D'Lëtzebuerger op den Euroskills 2016 zu Göteborg
Wéi hu sech eis Lëtzebuerger Handwierkstalenter op der bekannter Meeschterschaft geschloen?
VIDEO: Euroskills 2018 zu Budapest
Vum 26. bis den 28. September waren d'Euroskills zu Budapest. Op RTL.lu hu mir Iech iwwert d'Performancë vun de Lëtzebuerger Vertrieder informéiert.