Déi Lénk hätte gär dass béid Ministere genee erklären, wéi an der Praxis mat dësen Date verfuer gëtt.

No deene sëlleche parlamentareschen Ufroe vun der CSV, nodeems d'ADR eng Enquêtëkommissioun an d'Pirate kloer Aussoe vun der Regierung froen, hunn e Freideg d'Sozialisten an di Lenk op eis Nofro hin, am Dossier Geheime Casier reagéiert. Wärend d'Sozialisten sech duerch d'Gesetzestexter geschafft hunn, wëllen déi Lénk béid Ministere gär an der Dateschutzkommissioun gesinn.

AUDIO: Suivi Geheime Casier - Reportage Monique Kater

D'Sozialiste fuerdere kloer Critère wéini een d'Daten aus dem Police Fichier ka gebrauchen an zweiwelen drun, dass dat bei engem Recrutementsgespréich oder engem Certificat de Moralité däerf de Fall sinn. Et hätt een och wat dëse Fichier ugeet prinzipiell en Droit de Regard.

Déi Lénk hätte gär dass béid Ministere genee erklären, wéi an der Praxis mat dësen Date verfuer gëtt...si fille sech un de Srel-Skandal vu viru 5 Joer erënnert.

Reaktiounen vum Marc Baum (déi Lénk) a Franz Fayot (LSAP)
Sozialisten stelle juristesch Onkloerheete fest.Déi Lénk hätte gär dass béid Ministere genee erklären, wéi an der Praxis mat dësen Date verfuer gëtt.

Och déi Konservativ reagéieren an engem Schreiwes

De „geheime Casier" – Stasimethoden zu Lëtzebuerg?

D'Partei déi Konservativ reagéiert mat dëser Pressematdeelung ob déi rezent Revelatiounen, datt zu Lëtzebuerg e „geheime Casier" existéiert, wou Scholdvermuddung aktéiert gëtt, an/oder nieft dem juristesche Strofregëster, nach eng polizeilech Strofdokumentatioun als Grondlag déngt: Fir eis eng skandaléis Violatioun vun de Prinzipien a Wäerter vun engem Rechtsstaat wou Onscholdsvermuddung, Transparenz, a Gewaltendeelung gëllen! Als rechtsstaatlech Partei, sti mir fir de Respekt vu Recht, Uerdnung a Gerechtegkeet als fundamentalste Prinzipien an enger Demokratie.
De „geheime Casier" ass de beschte Beweis, datt nawell keng Léiere nom leschte Geheimdéngschtskandal, deen zur Regierungskris an zu Neiwahle gefouert huet, gezu goufen. Esou „Stasimethoden" si rechtswiddreg an illegitim, se zielen zu de Grondsätz vun autoritäre Regimmer, wou d'Fräiheet an d'Mënscherechter vun de Leit a Gefor sinn.
Éier mir also anere Länner op der politescher Weltbühn a Saachen Demokratie a Rechtsstaat, Lektiounen erdeelen, sollt eis Regierung d'éischt mol d'Hausaufgaben heiheem maachen, a fir Recht a Gerechtegkeet suergen.
Eis Partei fuerdert d'Asetze vun enger Enquêtëkommissioun fir eng zäitno Opklärung vun dësem Skandal a mat de néidege Konsequenze fir d'Wëssen, d'Matwëssen an d'Responsabilitéit vun der Politik an dëser Affär.
gezeechent,

déi Konservativ