Mat 4 Jo-Stëmmen, 5 Enthalungen an zwou Nee-Stëmmen huet sech de Gemengerot vu Biissen fir d'Ëmklasséiere vum Terrain fir Google ausgeschwat.

Domadder ass eng éischt Hürd geholl, fir dass Google sech zu Biissen kann néierloossen.

Et gouf ee groussen Undrang virun der Sëtzung, vill Biisser waren an d'Gemeng komm. Am Januar ware schonn an enger éischter Phase punktuell Changementer vum PAG ugeholl ginn.

Dee betraffene Site ass 34 Hektar grouss. D'Avise sinn an tëscht all dobannen. D'Gemeng Biissen krut ënnert anerem un d'Häerz geluecht, d'Ëmwelt an d'Natur ze respektéieren an déi néideg Mesuren ze huelen, fir dës ze protegéieren.

Kritik gëtt et allerdéngs wat de Stroum- a Waasserverbrauch ugeet.

Eréischt nom Vott wëll Google dozou weider Detailer ginn. Et ass geplangt, dass ronn 300 Aarbechtsplazen am Datenzenter sollen entstoen, sot am Virfeld de Buergermeeschter vu Biissen Jos Schummer. D'Bauaarbechte kéinte fréistens an engem Joer ufänken, wann de PAP ofgeseent ass.