Viru genee 50 Joer sinn déi éischt Mënschen um Mound gelant.

Den Dag drop sinn den Neil Armstrong an de Buzz Aldrin um Äerdtrabant getrëppelt. Zanter Dezember 1972 ass et roueg do uewe ginn. Op d'mannst wat de Besuch vum Mënsch ugeet.

Dat soll sech an den nächste Joren änneren, well déi Europäesch Weltraumagence ESA bereet den Ament eng Mound-Missioun vir. Da sollen och eng éischte Kéier Astronautinnen dohinner. De Pierre Weimerskirch war bei der ESA zu Köln an huet sech ugekuckt, wéi den Astronaut Mathias Maurer sech op dës grouss Missioun preparéiert.

Lëtzebuerg ass e wichtege Partner am Weltall-Secteur

Lëtzebuerg ass e wichtege Partner am Weltall-Secteur
De Matthias Maurer ass zanter 2015 ee vu 7 ESA-Astronauten. D'Grondausbildung huet de 49 Joer alen Ingenieur am September 2018 ofgeschloss.

De Matthias Maurer ass zanter 2015 ee vu 7 ESA-Astronauten. D'Grondausbildung huet de 49 Joer alen Ingenieur am September 2018 ofgeschloss.

D'Efforten, déi Lëtzebuerg am Weltall-Secteur mécht, bréngen d'Fuerschung weider an hëlleft der Europäescher Weltraumagence bei der Moundmissioun, esou den ESA-Astronaut Matthias Maurer.

De Saarlänner kennt Lëtzebuerg gutt, dat net nëmme well hien an der Saarlorlux-Regioun grouss ginn ass, ma och well hien déi aktuell Efforte vum Grand-Duché als wesentlecht Element gesäit, wéi an Zukunft de Secteur wiisst an d'Fuerschung no vir bruecht gëtt.

Missioun Weltall

De Matthias Maurer ass zanter 2015 ee vu 7 ESA-Astronauten. D'Grondausbildung huet de 49 Joer alen Ingenieur am September 2018 ofgeschloss. Elo waart hien op seng éischt Missioun. 2021 oder 2022 kéint hie fir d'ESA op déi international Weltraumstatioun fléien. Duerno wëll hien op de Mound.