RTL-Informatiounen no ass e Mann, deen de Lëtzebuerger Pass huet, an der Tierkei verhaft ginn.

An der Tierkei ass e Samschdeg RTL-Informatiounen no e Lëtzebuerger Staatsbierger vun den Autoritéite festgeholl ginn. De 70 Joer ale Mann huet zënter 30 Joer eng Residenz am Süde vum Land an huet d’Nuecht vu e Samschdeg op e Sonndeg um Fluchhafe vun Dalaman misse verbréngen. Op Nofro vun RTL confirméiert den Ausseministère dëse Virfall an huet RTL vis-à vis-präziséiert, dass een den Dossier vun Ufank u suivéiert hätt.

E Sonndeg de Mëtteg um 12 Auer ass de Lëtzebuerger dem Riichter virgefouert ginn. Eng Stonn drop war de Mann fräi, well et sech bei der Arrestatioun ëm en Iertum gehandelt hätt.

Iwwert déi genau Ëmstänn a Grënn, wisou de Mann verhaft gouf, ginn et keng Detailer.