Zwee Blesséierter gouf et an engem Accident e Sonndeg den Owend kuerz no 20.30 Auer tëscht Hënchereng a Biergem. Een Auto war an d'Ongléck verwéckelt.

Wéi d'Police mellt, hat de Chauffer d'Kontroll iwwer säi Won verluer a krut ee Bam ze paken. Chauffer a Bäifuerer goufe blesséiert a koumen an d'Spidol. Allebéid stoungen, wéi d'Police präziséiert, ënner héijem Alkoholafloss. E Fuerverbuet an ee Protokoll goufen ausgestallt.

Géint 17.40 Auer hate sech op der Saarautobunn Direktioun Munneref am Tunnel Markusbierg eng Camionnette an en Auto ze pake krut. Eng Persoun gouf verwonnt.

Kuerz no Mëtternuecht war zu Dikrech um Fridhaff Mulch a Brand geroden. D'Pompjeeë vun Dikrech, Angelduerf a Kiischpelt waren am Asaz.