E Mëttwoch kuerz no 16 Auer koum et op der Tréierer Autobunn an Direktioun Tréier zu engem Accident mat e puer Autoen.

Op der Héicht vun der Sortie Kierchbierg krute sech 4 Ween ze paken.

Den Ament sinn déi 2 Bunne blockéiert an et geet schlecht laanscht. Mëttlerweil ginn et iwwer 8 Kilometer Réckstau, bis op d'Gaasperecher Kräiz. Zéifloss gëtt et awer och op der Géigespur wéinst Gaffer.

Ee weideren Accident, mat 3 Autoen, gouf et kuerz drop op der Areler A6 a Richtung Arel, eng 500 Meter virun der belscher Grenz. D'Iwwerhuelspur ass do blockéiert an et staut op 10 Kilometer zeréck bis bei d'Sortie Stroossen.

Och op der franséischer A31 an Direktioun Metz, op der Héicht vun Thionville, gouf et een Accident vu 4 Autoen. D'Iwwerhuelspur ass blockéiert an et staut bis eriwwer op d'Diddelenger A3.