Géint 19.20 Auer e Mëttwoch den Owend gouf d'Police alarméiert, datt um Enn vun engem Feld um CR143 e Gefier an e klenge Bësch gerode war.

Wéi d'Beamten an d'Rettungsdéngschter op d'Plaz koumen, huet sech effektiv erausgestallt, datt hei en Auto an e klenge Bësch gerode war. D'Analys vun de Spuren hunn erginn, datt de Chauffer mat sengem Gefier vun der Streck ofkoum, e puer Honnert Meter duerch e Feld gefuer ass an dunn an engem Stéck Bësch stoe bliwwen ass.

Den 58 Joer ale Lëtzebuerger ass nach op der Plaz gestuerwen.

© Police

De Parquet gouf informéiert an de Miess- an Erkennungsdéngscht gouf op d'Plaz geruff. Weider gouf eng Obduktioun ordonnéiert.

Den Auto gouf ongeféier eng 300 Meter vun der Strooss ewech fonnt.

58 Joer ale Lëtzebuerger bei Accident ëmkomm
Géint 19.20 Auer e Mëttwoch den Owend gouf d'Police alarméiert, datt um Enn vun engem Feld um CR143 e Gefier an e klenge Bësch gerode war.