E Freideg war den Optakt vun enger ganzer Serie vu Protestaktiounen, déi sech iwwert déi ganz Woch soll zéien. Och zu Lëtzebuerg gëtt matgemaach.

AUDIO: Klimawandel-Demo zu Lëtzebuerg / Rep. Raphaëlle Dickes

Honnerte vu Jonker awer och Erwuessener hunn e Freideg hei zu Lëtzebuerg matgemaach bei der Aktioun Fridays for Future. Weltwäit sinn déi ganz Woch iwwer Protestaktioune geplangt, fir op de Klimawandel opmierksam ze maachen. E Méindeg fänkt zu New York de Klimasommet vun de Vereenten Natiounen un. Eleng e Freideg solle weltwäit ëm eng Millioun Leit bei den Demonstratiounen dobäi gewiescht sinn.

Weltwäit Demonstratioune géint de Klimawandel
Et war den Optakt vun enger ganzer Serie vu Protestaktiounen, déi sech iwwert déi ganz Woch soll zéien. Och zu Lëtzebuerg gëtt matgemaach.

Protestaktioun zu Lëtzebuerg

VIDEO: Depart Maniff #fridaysforfuture
Um 11 Auer e Freideg versammele sech déi Jonk virun der Stater Gare a ginn zesumme bis op d'Kinnekswiss am Stater Park, wou Riede gehalen a Concerten sinn.

Och hei zu Lëtzebuerg war e Freideg eng grouss Aktioun geplangt. Um 11 Auer e Freideg de Moien hu sech déi Jonk virun der Stater Gare getraff a sinn dunn zesumme bis op d'Kinnekswiss an de Stater Park gezunn. Hire Wee huet si iwwert d'Al Avenue, lénks laanscht de Boulevard de la pétrusse, iwwer de Pont Adolphe bis op de Boulevard Roosevelt an dann an Direktioun Kinnekswiss gefouert.

Fuerderunge vun deene Jonken: Lëtzebuerg soll seng Co2-Emissiounen bis d'Joer 2030 op 0 erofsetzen, vun 2040 un zu 100 Prozent mat erneierbaren Energië funktionéieren, méi géint d’Steierflucht maachen an direkt mat den Investitiounen a fossille Brennstoffer ophalen.

Nieft de Riede goufen et och Concerten a Poetry Slam op der Kinnekswiss – allerdéngs virun engem bedeitend méi klenge Publikum. D’Organisateure wousste selwer net sou richteg, firwat vill Leit net méi laang bliwwe sinn – verschiddener kéinten zeréck an d’Schoul gaange sinn oder Honger kritt hunn.

De Schülerstreik e Freideg war den Optakt vun enger Woch vu Klima-Aktiounen – an Zesummenaarbecht mat enger Rei ONG'en a Gewerkschaften organiséiere Youth for Climate nach bis nächste Freideg eng Rei Evenementer. Deen Dag ass jiddereen, an net nëmmen d’Schüler, opgeruff, fir un enger grousser Demo Deel ze huelen.

Hei de komplette Programm mat den Evenementer, déi bis de 27. September geplangt sinn.

Lycéeën net gezwongen, Non-excusé ze ginn

D'Schüler goufen am Virfeld iwwert déi sozial Netzwierker vu Youth for Climate Luxembourg opgeruff, um 10 Auer en Donneschdeg de Moien den Unterrecht ze verloossen. Youth for Climate hat en Donneschdeg den Owend matgedeelt, dass een am Kontext vun der Maniff eng Entrevue am Educatiounsministère gehat hätt. Wéi et geheescht huet, hätten déi Jonk virgeschloe krut, dass d’Direktiounen an de Lycéeën net méi gezwonge sinn, en Non-excusé ze ginn, wann d’Schüler eng Excuse hunn, déi vun den Elteren ënnerschriwwen ass.

Den Educatiounsministère hat dëst dann och confirméiert an hat an engems ënnerstrach, dass d’Decisioun an d’Responsabilitéit bei den Eltere läit, wann déi eng Excuse ënnerschreiwen. D'Enseignantsgewerkschaft SEW hat sech schonn en Donneschdeg solidaresch mat de Schüler gewisen, déi wëlle manifestéieren, an een Appell un d'Léierpersonal gemaach, fir si net ze bestrofen.

Weltwäit Streikwoch

Fir déi international Streikwoch, déi e Freideg ugefaangen huet, hunn d'Aktiviste Protester an iwwert 2.600 Stied a bal 160 Länner annoncéiert. Eleng bei eisen däitschen Nopere waren en Donneschdeg an Dosende vu Stied iwwer 500 Aktiounen an Demonstratiounen.

Eng vun de gréissten Aktioune wäert awer zu New York sinn, wou e Méindeg eng sëlleche Staats- a Regierungscheffe fir de Klimasommet vun de Vereenten Natiounen erwaart ginn. Bei der Protestaktioun zu New York waroch déi schwedesch Klimaaktivistin Greta Thunberg dobäi, déi d'Fridays-for-Future-Protester initiéiert huet. D'Schüler vun 1.700 Schoulen zu New York haten d'Erlaabnis kritt, e Freideg bei der Demonstratiounen dobäi ze sinn.

Den Optakt haten e Freideg de Moien Zéngdausende vu Schüler an Australien gemaach, ënnert anerem zu Sydney an zu Melbourne. An der Stad Alice Springs, am Zentrum vun Australien, haten sech Honnerte vu Leit demonstrativ op de Buedem geluecht an hu sech dout gestallt.

E Freideg koum zu Monaco de Weltklimarot beieneen. Et goung ëm den Impakt vun der Äerderwiermung op Mierer, Äismassen, Déieren a Mënschen. Diskussiounsbasis sinn Etüden, déi eng 100 Fuerscher ausgeschafft hunn.

Mëtt nächst Woch soll och e Rapport publizéiert ginn.

Schreiwes vu Youth for Climate Luxembourg

Firstly, we want to thank you for all of your many reports on the Youth Strike for Climate today!

We were happy to see that between 3.000 and 5.000 people came out to the streets to fight for a better future. As we gathered at Place de la Gare and marched towards the Kinnekswiss we were overflowed with emotion because of the energy the Youth is presenting at the pressing matter the climate crisis is. Even though we only had two days of school to get the word out and the communication issues about the "non-excusé" were very unfortunate, Youth for Climate still managed to set off the Week for Future with a memorable strike.

In one week exactly we will take to the streets again, this time all generations are coming together for the United for Climate Justice marches! After today, we are even more excited!