Den 11. Abrëll 2018 war zu Bouneweeg een Automobilist vun der Police erschoss ginn, dee sech virun de Beamte wollt duerch d'Bascht maachen.

Bei enger regulärer Kontroll um leschte Steiwer wollt sech den Automobilist duerch d'Bascht maachen. Dobäi huet hien op e Polizist, deen aus sengem Auto geklomme war, fir de Mann unzehalen, duergehalen.

De Beamten huet vu senger Déngschtwaff Gebrauch gemaach an op de Mann, deen eleng a sengem schwaarze Mercedes souz, geschoss. Aenzeien haten deemools vun 3-4 Schëss geschwat.

De Chauffeur gouf vun op d'mannst enger Kugel getraff, huet doropshin d'Kontroll iwwer säi Gefier verluer, ass laanscht d'Mauer vun engem Haus geschruppt an an e Bam gerannt. Op der Place Léon Xlll war d'Flucht domadder eriwwer.

Den Automobilist war am Laf vum Nomëtteg u senge Blessure gestuerwen.

8 Deeg no den déidleche Schëss zu Bouneweg hat de Parquet Detailer iwwer den Doudege matgedeelt, nodeems d'Autopsie gemaach ginn ass.

De Mann wier 51 Joer al gewiescht, en Hollänner, deen an Däitschland gewunnt huet. Hie wier der Police hei am Land bekannt wéinst Infraktiounen am Verkéier an hien hätt e Fuerverbuet gehat.

Déi däitsch Police vu Bitburg hat RTL-Informatioune no déi Lëtzebuerger Police ëm Hëllef gebieden, fir nom Hollänner ze sichen.

Uganks Mäerz 2019 hat de Parquet communiquéiert, datt de Polizist, dee geschoss hat, fir Homicide Volontaire ugeklot gouf an ënner Contôle Judiciaire gesat gouf. Säin Affekot hat deemools annoncéiert, datt säi Client op Noutwier géing plädéieren.

VIDEO: Tëschefall zu Bouneweg - 1 Joer duerno
Um Donneschdeg ass et genee ee Joer hir, datt zu Bouneweg ee Mann an engem Auto vun engem Polizist déidlech aus enger Pistoul getraff gouf.

Grouss Rekonstitutioun

Um Freideg de Mëtteg war eng Rekonstitutioun vun deem trageschen Tëschefall op der Plaz selwer.

Zwee Untersuchungsriichter, d'Inspection générale vun der Police, d'technesch Servicer vun der Police, d'Police judiciaire an d'Stater Police waren op der Plaz, zesumme mat engem Vertrieder vum Parquet. Alles an allem waren 20 Polizisten am Asaz.

Communiqué vum Parquet

Communiqué de presse concernant une action de la Police grand-ducale en date du 20.09.2019 à Bonnevoie

Les juges d’instruction en charge du dossier ouvert suite à une intervention policière ayant conduit, le 11 avril 2018, au décès d’un conducteur en fuite suite à plusieurs tirs par l’un des agents de police, ont procédé le 20 septembre 2019 à une reconstitution des faits sur les lieux de l’incident.

Des représentants de l’Inspection générale de la Police, de la Police technique du Service de police judiciaire et de la Police de la région Capitale, (au total une bonne vingtaine d’officiers et d’agents) ainsi qu’un représentant du parquet de Luxembourg, ont assisté aux opérations sur place.

Cette reconstitution s’inscrit dans le cadre de l’instruction qui avait été ouverte en avril 2018.