Zanter e Méindeg ginn hei zu Lëtzebuerg e sëllechen Uriff gemellt, déi vun enger Nummer aus dem Mosambik kommen.

Et soll een ni enger friemer Telefonsnummer zeréckruffen, déi sech um Handy affichéiert. Den Tuyau gëllt dëser Deeg méi wéi soss, wëll nees eng Serie vun esou Attacken zu Lëtzebuerg notéiert gëtt.

Ënnert der Nummer +258 83 000 1922 goufen eng Abberzuel Leit hei am Land kontaktéiert.