Dat op d’mannst behaapt en Ex-Mataarbechter vun engem Etablissement op der Plaz an engem RTL-Exklusivinterview.

E Lëtzebuerger Hotel soll duerch lackeleg Annoncen an der portugisescher Press Persounen dozou bruecht hunn, Portugal ze verloossen, fir an den Hotel zu Veianen schaffen ze kommen. Do hätte si misse ëm déi 80 Stonnen d’Woch schaffen, wären ënner katastrophale Zoustänn logéiert an net bei de Sozialversécherungen ugemellt.

Dat op d’mannst seet en Ex-Mataarbechter vun dem Etablissement an engem RTL-Exklusivinterview. D’Autoritéite wären ageschalt an och d’ITM hätt en Dossier. De Fall war duerch Radio Latina zu Lëtzebuerg opgedeckt ginn.

Mënschenhandel zu Veianen?
En Hotel huet mat enger Annonce Leit aus Portugal op Lëtzebuerg gelackelt.

Et gëtt et enken Zesummenhang tëscht illegaler Ausbeutung vun der Aarbecht an der Mafia. Dat sot iwwerdeems e Méindeg op enger Konferenz an der Abtei Neimünster de Leonardo Palmisano. Den italieneschen Auteur a Soziolog recherchéiert zanter iwwer 10 Joer iwwer d‘Thema Mënschenhandel. Säin neiste Buch „Ascia Nera“ geet iwwert déi nigerianesch Mafia, déi weltwäit am Drogenhandel an an der Prostitutioun aktiv ass.