Géint 21.50 Auer krut de CGDIS d'Feier gemellt, an d'Läschaarbechte vun den 48 Pompjeeën déi am Asaz waren, hu sech bis 1 Auer an d'Nuecht gezunn.

En Depot wou Gummi a Stol gelagert waren, hat geflaamt.
Blesséiert gouf keen, an d'Waasserwirtschaftsamt krut Bescheed gesot, fir de Risk vun enger eventueller Verkmaschtung duerch dat gebrauchte Läschwaasser ze evaluéieren.

Ee Blesséierten gouf et dann op der Collectrice tëscht Käl an Diddeleng e Mëttwoch den Owend, wou sech géint 21 Auer en Auto iwwerschloen huet. D'Pompjeeë vu Käl a Schëffleng goufen an den Asaz geruff, grad ewéi d'Ambulanz vu Schëffleng.

Géint 17.30 Auer gouf zu Beetebuerg da schonn nees e Foussgänger vun engem Auto ugestouss. D'Pompjeeë vu Beetebuerg a Käl waren am Asaz, grad wéi d'Ambulanz vun Esch an de Samu aus der Stad.