De CGDIS deelt um Sonndeg de Moie mat, dass et an der Nuecht 4 Accidenter gouf mat am Ganze 6 Blesséierten.

Um 19.40 Auer koum et an der Stad an der Avenue Gaston Diderich zu engem Accident tëscht 3 Autoen. Dräi Persoune goufen heibäi liicht blesséiert.

Géint 1.50 Auer krute sech um CR129 tëscht Eschweiler a Beidler 2 Ween ze paken. Hei goufen 2 Leit verwonnt.

Kuerz no 2 Auer gouf et een Accident um CR101 tëscht Koplescht a Mamer. De CGDIS hat gemellt datt bei der Kollisioun tëscht 2 Ween eng Persoun an hirem Auto ageklemmt a blesséiert gouf. D'Police dogéint schreift vu just engem Auto.

Eng Automobilistin hat an enger Rietskéier d'Kontroll verluer a krut ee Bam frontal ze paken. D'Fra gouf ageklemmt an huet misse vun de Rettungsekippe befreit ginn. Si koum blesséiert an d'Spidol.

Kuerz no 3 Auer ee weideren Accident mat 2 Autoen, déi Kéier op der Diddelenger A13 op der Héicht vum Beetebuerger Kräiz. Hei ass engem eppes geschitt.