Eng Fra gouf iwwerfall vun 3 Täteren bei sech doheem. Wien eppes iwwer d'Biller vun der Iwwerwaachungskamera soe kann, soll sech bei der Police mellen.

2 vun de Brigangen haten Sécherheetsvesten un, eng drëtt Persoun war schwaarz ugedoen mat och enger schwaarzer Mutz. Nodeems si d'Fra gefesselt hunn, hu si d'Bijouen a Kreditkaarte geklaut.

D'Täter wiere mat engem schwaarze Mercedes, Modell V-Klass mat franséische Placken, ënnerwee gewiescht.

Op de Fotoe gesäit een och eng Komplizin, déi sech awer net um Iwwerfall selwer bedeelegt huet.

All Info ass fir den 113.