Den Asaz war séier nees eriwwer, den Tram rullt och nees normal um Kierchbierg. Et solle "Menace" gi sinn, ma et gouf näischt Suspektes am Gebai fonnt.

Géint 15 Auer 30 gouf et e gréisseren Asaz bei der Nationalbibliothéik um Kierchbierg. Eng gréisser Unzuel u Policeautoe a Beamten ware ronderëm der Bibliothéik ze gesinn.

© Faber Mehdi

D'Police war vun engem Sécherheetsbeamten avertéiert ginn, well en Anzéie soll Leit héieren hunn, déi vun "Menacen" geschwat hunn.

Och Ambulanze goufe vun Zeie gesinn. D'Zirkulatioun vum Tram gouf tëschenzäitlech komplett gestoppt. D'Beamte si mat kugelséchere Gileten an d'Gebai eragaange sinn.

D'Police war mat engen 10 Patrullen op der Plaz, et goufen keng Leit méi an d'Gebai eragelooss an d'Visiteuren goufen gefrot, aus der Bibliothéik eraus ze goen. Et gouf och e Sécherheetsperimeter installéiert.

Tram-Zirkulatioun wéinst Asaz bei Bibliothéik ënnerbrach
Géint 15 Auer 30 gouf et e gréisseren Asaz bei der Nationalbibliothéik um Kierchbierg. Policeautoe a Beamten ware ronderëm der Bibliothéik opgestallt ginn.

Sur place sollt sech awer dunn erausstellen, datt et sech wuel ëm e falschen Alarm gehandelt hat, Suspektes gouf net fonnt.

Den Tram rullt dann och nees normal. D'Zirkulatioun gouf vir ronn 20 Minutten gestoppt. Wat genee de Grond vum Asaz war, huet d'Police bis elo nach net matgedeelt.