D'Iwwerleeungen vum "Gesondheetsdësch" sollen idealerweis bis Uganks d'nächst Joer an den nationale Gesondheetsplang fléissen.

E Freideg de Moie war de sougenannte "Gesondheetsdësch" eng éischte Kéier beieneen. Zil ass Pisten, fir de Gesondheetssystem vun der Zukunft auszeschaffen. D'Associatioun vun den Dokteren an Zänndokteren, d'CNS, d'Sozialpartner an déi zwee zoustänneg Ministere Paulette Lenert a Romain Schneider hu sech e Freideg de Moien eng éischte Kéier iwwert d'Pisten, déi konkret Aarbechtsmethod an den Timing ausgetosch. Geschafft gëtt an Aarbechtsgruppen, déi och fir aner Gruppen, wéi d'Patientevertriedung oder d'Copas opp solle sinn.

D'Themen déi schonn an der leschter Quadripartite fixéiert goufen, sinn d'Complementaritéit tëscht dem Spidol an dem Extra-Hospitalier, e bessere Lien tëscht de Patienten an de Prestatairen, eng besser Präventioun, déi nei Technologien an de Finanzement. D'LSAP-Ministere wëllen, eegenen Aussoen, bei alle Reuniounen, derbäi sinn. Mëtt des Joers soll en éischte Bilan gemaach ginn.

D’AMMD huet sech nom éischten Austausch e Freideg de Moie positiv gewisen. Ëmmerhi gouf dermadder eng vun hire Fuerderungen ëmgesat.

E regroupéiert alleguerten d'Acteuren aus dem Gesondheetssecteur a soll der Politik hëllefen d'Zukunft vum System ze preparéieren a Proposen liwweren, fir déi grouss gesondheetspolitesch Froen vun der Zäit, dat heescht eng flächendeckend ëffentlech medezinesch Versuergung fir jiddereen, d'Penurie vum Gesondheetspersonal, d'Entwécklung vun der Alterspyramid an  der Populatioun, de medezinesche Fortschrëtt an d'Digitaliséierung, fir nëmmen déi ze nennen, ëmmer am Kontext vun der laangfristeger finanzieller Ofsécherung vum System. Um Freideg de Moie war eng éischte Kéier de sougenannte "Gesondheetsdësch" beieneen. Genuch op der Lee ass allemol.

Gesondheetsdësch - Wourëm geet et? Reportage Claude Zeimetz

Et muss ee just un déi iwwerfëllten Urgencen denken, wéinst deene virun enger Rei Joren schonn e sougenannte "Comité de pilotage" agesat an en Audit gemaach gouf. 33 Mesuren an 150 Recommandatiounen goufen ausgeschafft a sinn am Gaangen ëmgesat ze ginn, och wann et ville Leit wuel net séier genuch geet. An de 4 Urgencëservicer konnten zousätzlech Dokteren agestallt ginn a vu Summer un soll am Zentrum am Dag eng parallel Garde um Kierchbierg an am Centre hospitalier funktionéieren, an der Hoffnung, datt d'Leit méi séier en Charge geholl kënne ginn. Wéi vill déi verschidde Pisten  zu enger Entlaaschtung zum Beispill och an enger Kannerklinik bäidroe kënnen, bleift ofzewaarden.

Ee grousse Knackpunkt op deem et bis elo nach keng Léisung gouf, bleift de Fonctionnement an d'Attraktivitéit vun der Maison médicale, déi nach net bei jidderengem richteg ukomm ass, an d'Roll vum Hausdokter.

D'Konzept vum Referenzdokter ass quasi am Sand verlaf. Dat neit Stéchwuert ass elo Gemeinschaftspraxis wou awer nach finanziell Froen mat der CNS ze kläre bleiwen. Eent vun de 5 Themefelder, op deem de Gesondheetsdësch schafft, concernéiert dann och d'Zesummespill tëscht Spidol a Extra-Spidol.

Donieft sollen d'Sozialpartner, d'UEL, d'AMMD, d'Gesondheetskeess an déi zoustänneg Ministèren um Volet Präventioun aktiv ginn, dem Recours vun den neien Technologien, Stéchwuert Patientendossier, deen zanter 2015 nëmmen als Pilotprojet funktionéiert an nach ëmmer net generaliséiert konnt ginn, well dat néidegt Reglement feelt.

Aner Themefelder vun den Aarbechtsgruppen sinn enger besserer Relatioun tëscht de Patienten an de Prestatairen an de Finanzement. Hei steet jo virun allem och den Dossier vum generaliséierten Tiers payant, dem sougenannten Tiers payant vun der neier Generatioun un. Dee soll, dat hat de Romain Schneider bei eis am Background gesot, vun dësem Joer un an Etappen ëmgesat ginn.

E laangwieregen Otem gëtt och bei der Nomenclature gebraucht, déi op ville Punkte vereelzt ass. Berouegt war d'Politik all Zäit, wéi d'Dokteren zejoert nees un de Verhandlungsdësch zréck komm sinn. Den 23. Oktober konnt d'Nomenclaturekommissioun effektiv nees mat hirer Aarbecht ufänken. D'Associatioun vun den Dokteren an Zänndokteren hat an de leschte Méint ëmmer nees Alarm geschloen a virdru gewarnt, datt de System mëttel- bis laangfristeg net méi gestemmt kéint ginn, well einfach net méi genuch Dokteren do sinn. 2016 ware 47% vun de männlechen Dokteren méi wéi 55 Joer al.

Den OGBL huet am Virfeld vum Gesondheetsdësch virun enger Zwouklassemedezin gewarnt. De private kommerziellen Interêt hätt am Lëtzebuerger Gesondheetswiesen näischt verluer. Ëm dee privaten Interessi geet et jo zum Beispill beim Thema IRM a Privatpraxissen. Déi Praxis ka jo vum Gesetz hir no engem Urteel vum Verwaltungsgeriicht zejoert net méi kategoresch verbuede ginn, ma nach huet d'Politik sech net op eng kloer Positioun festgeluecht. Och dat kéint e Sujet fir de Gesondheetsdësch ginn.

Dëse Freideg hunn d'Acteuren all Zäit emol e Kalenner, d'Demarche an d'Aarbechtsmethodologie festgehalen. An der Mëttesstonn wëllen déi zoustänneg Ministere Paulette Lenert fir d'Santé, an de Minister fir d'Sécurité sociale Romain Schneider d'Press informéieren.

Dat offiziellt Schreiwes vum Gesondheetsministère

Paulette Lenert et Romain Schneider lancent le «Gesondheetsdësch» (14.02.2020)

Communiqué par: ministère de la Santé

 

Romain Schneider, ministre de la Sécurité sociale, et Paulette Lenert, ministre de la Santé et ministre déléguée à la Sécurité sociale, ont donné le coup d’envoi officiel du «Gesondheetsdësch», ensemble avec les parties prenantes initiatrices de cette idée.

Cette première rencontre, née d’une volonté de poursuivre un dialogue constructif entre les partenaires sociaux, l’AMMD, la FHL, le ministère de la Sécurité sociale et le ministère de la Santé, place sur la bonne voie les groupes de travail qui seront ouverts à toutes les parties concernées et qui seront axés autour de 5 thèmes fondamentaux en matière de santé et de sécurité sociale:

  • «Vers une meilleure complémentarité entre les secteurs hospitalier et extrahospitalier»
  • «L’amélioration des relations avec les personnes protégées et les prestataires»
  • «La prévention dans le domaine de la santé»
  • «Le recours aux nouvelles technologies en santé»
  • «Le financement du système de santé».

Romain Schneider a souligné que «cet espace d’échange permet d’approfondir la matière et de proposer des pistes dans l’intérêt des assurés, tout en préservant les principes de la sécurité sociale».

En effet, l’objectif du «Gesondheetsdësch» est de définir une vision partagée de notre système de santé de demain. Il s’agira de définir des mesures destinées à améliorer l’efficacité du système de santé en tenant compte des besoins de la population, de l’évolution des techniques médicales et des ressources dont dispose le pays.

Pour Paulette Lenert, «le Gesondheetsdësch sera un échange participatif et structuré autour des défis auquel notre système de santé est confronté aujourd’hui. Nous devons dégager une vision commune autour des actions requises pour faire avancer notre système et pour le rendre attractif pour le patient et les prestataires.»

Les ministres ont présenté un plan de travail qui se veut ambitieux. Un premier bilan sera effectué avant l’été.