Op Esch-Belval gouf et an der Nuecht op e Méindeg, kuerz no Hallefnuecht, e Feier an engem ënnerierdesche Parking an der Avenue de l’Université.

Et hätt kee Blesséierte ginn, steet am Bulletin vum CGDIS. Wéi d'Police um Méindeg de Moie mellt, war et Motorrad, wat um -1 vum Parking gebrannt hat.

D’Escher Pompjeeë goufen vun hire Kolleegen vun Schëffleng, Suessem-Déifferdeng, Monnerech, a vun Diddeleng ënnerstëtzt.

En Accident gouf et um Sonndeg den Owend géint 18.45 Auer op der A13 a Richtung Schengen tëscht Schëffleng a Keel. Dobäi huet en Automobilist sech mat sengem Gefier iwwerschloen. 2 Persoune goufe blesséiert. Op der Plaz waren d'Ambulanze vun Diddeleng an Esch, grad ewéi d'Pompjeeë vun Esch, Diddeleng, Schëffleng a Keel.