Jonk Frae maachen dobäi 57,2 Prozent vun de Schüler aus. 1.735 Schüler schreiwen am Classic, 1.820 am Générale an 20 aus Owescoursen.

Live-Interventioun vum Eric Ewald aus dem Meedercherslycée

E Méindeg hunn d’Premièresexamen ugefaangen. Am Ganze stelle sech 3.545 Kandidaten den Epreuven, déi jo trotz Corona-Mesuren normal kënnen ofgehale ginn. Allerdéngs gëtt just d'Matière ofgefrot, déi virum 13. Mäerz an der Klass behandelt gouf.

Premièresexamen am Hubert Clement - Reportage Eric Ewald

65 jonk Frae géintiwwer 63 jonk Männer: Grad am Escher Meedercherslycée, engem vun de Gebaier, an deem e Méindeg de Moien de schrëftlechen Deel vun den Ofschlossexamen ugefaangen huet, war d'weiblech Majoritéit bei de Primaner manner grouss wéi op nationalem Plang.

Vun deenen 128 Schüler schreiwen der 100 hire Premièresexamen an der Turnhal vum LHCE a just 28 am Festsall. Do spillt also net méi virun allem d'Musek fir d'Premièren, huet de Jean Theis, Direkter vum Lycée Hubert Clement, confirméiert: "Dat war eng Traditioun! Ech selwer hu mäin Examen do geschriwwen, an, ech mengen, Dir hutt en och do geschriwwen! Dëst Joer wollte mer dann alleguerten eis Schüler am groussen, neien Turnsall schreiwe loossen. 825m2: Do mengt een, do géif ee se all erakréien! Wann dann natierlech d'Distanzen erëm eng Kéier musse respektéiert ginn, an et fänkt een un, d'Bänken ze setzen, da gesäit een, dass et och do knapp gëtt!"

An de leschte Jore scho wär de Festsall net méi duergaange fir de Premièresexamen, woufir een dunn e Klassesall bäigeholl hätt, sou de Jean Theis, dee frou ass, elo op d'Turnhal kënnen zréckzegräifen, an deen hofft, ënner normalen Ëmstänn just domat fonctionéieren ze kënnen.

De Fait, dass dëst Joer am Premièresexame just, tëscht Gänseféisercher, d'Wëssen ofgefrot gëtt, dat bis Mëtt Mäerz behandelt gouf, huet net zu supplementäre Froe vun de Schüler gefouert, well, wéi den Direkter vum LHCE betount, kloer informéiert gouf: "...éischtens vum Ministère. Ech selwer hat och nach eng Kéier e Mail un d'Schüler alleguerte gemaach, mat Explikatiounen. Hir Enseignante ware gutt informéiert, soudass den Informatiounsfloss sou war, dass u mech perséinlech jiddefalls net nach zousätzlech Froen eriwwer komm sinn!"

Hien hätt e Méindeg de Moien an de Mëtte virun allem zefridde Gesiichter gesinn, sot de Jean Theis nach, fir dee seng Ekipp flexibel wär a reagéiere géif, sollten, nom 1. Dag Ofschlossexamen, Adaptatiounen néideg sinn.

Biller vum Ofschlossexamen zu Dikrech

E Méindeg hunn am Secondaire d'Ofschlossexamen ugefaangen
Jonk Frae maachen dobäi 57,2 Prozent vun de Schüler aus. 1.735 Schüler schreiwen am Classic, 1.820 am Générale an 20 aus Owescoursen.

Ier et lass geet, ginn eng leschte Preparatioune getraff. D'Prüfungsblieder ginn beschrëft, de Bic gëtt kontrolléiert an all eenzelne Schüler huet säin eegene Ritual. Gedrénks an eng Klengegkeet z'iessen huet quasi och bal jiddereen op sengem Pult stoen.

Um Véierel op 8 war et och zu Dikrech souwäit: Den Direkter huet d'Enveloppe mat den Examensfroen opgerappt, de Bolz bei de Schüler ass geklommen an d'Proffen hunn déi eenzel Questionnairen ausgedeelt.

215 Schüler a Schülerinnen stinn zu Dikrech op der Lëscht vun den Ofschlossexamen. Wéinst der Coronakris sinn si op 3 verschidde Sitten opgedeelt.

Konschtgeschicht, Däitsch, Mathé 2 a Bio stoungen um Programm vun der Premièresschüler.

De Communiqué

3.545 candidats inscrits aux examens de fin d'études secondaires 2020 – session d'été (22.05.2020)
Communiqué par: Ministère de l'Éducation nationale, de l'Enfance et de la Jeunesse Les épreuves écrites des examens de fin d'études de l'enseignement secondaire classique et secondaire général commencent le lundi 25 mai 2020.

Au total, 3.545 candidats, dont 2.028 jeunes femmes (57,2%) et 1.517 jeunes hommes (42,8%), sont inscrits à la session d'été 2020.

Les inscriptions aux différents examens de fin d'études se répartissent comme suit:

• Examen de fin d'études secondaires classiques: 1.725 élèves (974 jeunes femmes et 751 jeunes hommes);

• examen de fin d'études secondaires générales: 1.820 élèves (1.054 jeunes femmes et 766 jeunes hommes);

• 20 élèves des cours du soir (11 jeunes femmes et 9 jeunes hommes) se présentent aux examens de fin d'études.

Les épreuves écrites, orales ou pratiques sont évaluées par 1.353 membres de 214 commissions d'examen.

Les examens se déroulent dans le strict respect des mesures barrières décidées par le gouvernement pour protéger au maximum la santé des élèves et du personnel enseignant tout en luttant contre la propagation du COVID-19.

Afin d'assurer qu'aucun candidat ne soit lésé par les circonstances exceptionnelles qui ont marqué les derniers mois de son année terminale, la procédure des examens a été adaptée:

• Les questionnaires à l'examen de fin d'études portent uniquement sur la matière traitée en classe avant le 13 mars 2020.

• Une partie des questionnaires comportent des questions ou sujets supplémentaires de façon à offrir une possibilité de choix. Dans les disciplines concernées, la durée des épreuves est augmentée de vingt minutes en moyenne.

Le ministre de l'Éducation nationale, de l'Enfance et de la Jeunesse, Claude Meisch, souhaite beaucoup de succès à tous les candidats pour ces examens qui concluront leurs études au lycée et qui leur ouvriront la voie aux études supérieures ou à la vie active.