Um Gaasperecher Kräiz an der Bretelle vun der A1 erfort war et um Freideg de Moie fréi zu engem Accident tëscht engem Camion an enger Foussgängerin komm.

D'Foussgängerin gouf liewensgeféierlech blesséiert. Si gouf nach op der Plaz behandelt, éier se konnt an d'Spidol transportéiert ginn.  Wéi d'Police um Sonndeg de Mëtteg matdeelt, wier d'Fra um Freideg den Owend un hiren uerge Blessure gestuerwen.

Éischten Informatiounen no war d'Fra géint 5 Auer ze Fouss op der Pannespuer ënnerwee a koum aus Richtung Rond-point. De Camionschauffer stoung nom trageschen Accident ënner Schock a koum och fir eng Kontroll an d'Spidol.

D'Plaz vum Accident, grad ewéi d'Offaart Gaasperech / Hesper ware wärend den Opraumaarbechte gespaart ginn, wouduerch et am Moiestrafic natierlech zu zolittem Stau komm ass. Op Uerder vum Parquet war d'Spueresécherung op der Plaz.

© Domingos Oliveira / RTL

© Domingos Oliveira / RTL

Op der Plaz waren zwou Ambulanzen an d'Pompjeeën aus der Stad.