En Dënschdeg huet d'Santé matgedeelt, dass d'Zuel vu Leit, déi zu Lëtzebuerg um Coronavirus gestuerwe sinn, net geklommen ass.

Bei den Infektiounen ass et bannent de leschte 24 Stonnen eng Hausse vun 1 positiv geteste Patient. Dat sinn der elo am Ganze 4.020. Vun den Infizéierte sinn der 3.249 Residenten. Den Duerchschnëttsalter vun de Persounen, déi positiv getest goufen, läit bei 46 Joer.

Den Duerchschnëttsalter vun den 110 Doudesaffer läit bei 84 Joer, d'Altersmediane bei 84 Joer. 56 Prozent si Männer, 44 Prozent Fraen. 66 Prozent vun den Doudesaffer sinn an der Klinick gestuerwen.

Et goufen zënter dem Ufank vun der Kris 78.026 Tester gemaach. Vun e Méindeg op en Dënschdeg ass dat eng Hausse vun 2.432 Tester, vun deene wéi gesot 1 positiv war.

Am Rapport vun der Santé ass ze liesen, dass et nach 62 aktiv Infektioune ginn an 3.848 Persoune gëllen als geheelt.

Aktuell sinn 32 (-3) Patienten hospitaliséiert, 4 dovun op der Intensivstatioun. Am Ganze konnte bis ewell 929 (+2) Mënschen d'Spidol nees verloossen.

Déi effektiv Reproduktiounszuel läit bei 0,790. Dat bedeit, datt eng Persoun, déi de Virus kritt, am Duerchschnëtt manner wéi eng aner Persoun infizéiert.