Um Mëttwoch de Moie géint 7.40 Auer huet op der A13 a Richtung Schengen op der Héicht vum Beetebuerger Kräiz en Auto gebrannt.

Déi riets Spuer war blockéiert. RTL-Informatiounen no ass et hei bei Materialschued bliwwen. Géint 8.45 Auer war d'Feier geläscht, ma déi riets an d'Pannespuer ware weider blockéiert.

Um 9.20 Auer koum vum CITA d'Meldung, d'Botzaarbechte wieren eriwwer an de Stau géif sech lues awer sécher opléisen.

Op der Plaz waren d'Pompjeeë vun Diddeleng a Käl.