Nodeems déi lescht zwee Deeg iwwer schonn d'Septièmen ugefaangen hunn, war en Donneschdeg Rentrée fir all déi aner Klassen am Secondaire.

Nodeems d'Schüler an d'Schülerinnen aus der Grondschoul en Dënschdeg hir Rentrée haten an zanter e Mëttwoch d'Septièmen d'Schoulbänk nees drécken, war et en Donneschdeg un deene Groussen. Nodeem dat lescht Schouljoer och am Secondaire zimmlech onroueg ob en Enn goung hofft ee lo nees Normalitéit an de Schoulalldag ze kréien.

Fir d'Septièmë war et da schonn den zweete Schouldag. No all de Joren an der Grondschoul huet en neit Kapitel fir d'Jongen an d'Meedercher ugefaangen. Speziell ass dann och d'Joer fir d'Primaner, déi an hirer Leschter Ligne droite am Lycée sinn an dëst Joer hir Exame preparéieren.

Souwuel de Premier ewéi den Educatiounsminister ware sech e Bild vun der Rentrée an de Lycéeë maachen. Am Jongelycée ewéi och am Arts et Métiers si si a verschidde Klassen kucke gaangen.