D'Quarantän an der Schoul mat der Autorisatioun, fir awer schaffen ze goen, muss nach eng Kéier vu Grond op analyséiert ginn.

Dat war u sech net esou virgesinn, seet den Educatiounsminister Claude Meisch am RTL-Interview.

Virun 3 Wochen hätt een zesumme mam Gesondheetsministère e Stufemodell presentéiert. Do wär festgehale ginn, datt bei engem isoléierte Fall keng Quarantän néideg wär.

D'Santé hätt awer elo Quarantän decidéiert. Dat géif eng Rei Problemer maachen. Dofir misst een d'Situatioun nach emol analyséieren.

Am Regierungsrot wär ee sech e Mëttwoch de Moien eens gewiescht, datt ee keng onnëtz Quarantän wëll, erkläert de Claude Meisch. De Schoulbetrib soll esou gutt et geet assuréiert ginn. Eng Rei Quarantäne sollen iwwerpréift ginn. Zum Beispill wa jiddereen de Mask unhat, sou nach den Educatiounsminister.

Extrait Claude Meisch