Ëmmer virausgesat si bleiwen net méi laang wéi 24 Stonnen an deem Bundesland. Dat sot d’Ministerpresidentin Malu Dreyer dem Lëtzebuerger Ausseminister.

De Jean Asselborn huet RTL dat confirméiert.

Dës Reegelung trëtt elo de Samschdeg a Kraaft, wéi et an engem Schreiwes vun der Regierung zu Mainz heescht.

Vun e Méindeg u gëllt déi selwecht Dispositioun jo och fir d’Saarland.

Déi nächst Woch kéint zu Berlin driwwer diskutéiert ginn, wéi den Ëmgang mat Grenzregioune bundeswäit gehandhaabt kéint ginn.

Wéi d'Ministerpresidentin Malu Dreyer schonn um Donneschdeg de Moien an engem Interview op der däitscher Tëlee duerchblécke gelooss huet, wier si frou, datt een op Bundesniveau en Accord fonnt hätt, datt Leit aus dem Grenzgebitt sech fir puer Stonnen an Däitschland ophale kënnen, ouni en negatiivt Covid-Test virleeën ze mussen an ouni a Quarantän ze goen.

Onofhängeg dovunner, ob ee Frontalier ass oder net. Gesetzlech Basis ass déi sougenannte Musterverordnung, déi elo virläit a vun de Bundeslänner ëmgesat soll ginn.

Extrait Malu Dreyer