D'Rettungszerwisser haten de Sonndeg de Moie géint 11 Auer en Asaz op der Musel, op der Héicht vun der Schleis Stadbriedemes.

En Auto huet missten aus dem Floss gebuerge ginn, heescht et am Bulletin vum CGDIS. Et gouf kee blesséiert.

Zwee Accidenter mat all Kéier engem Blesséierten

Een Accident tëscht engem Auto an engem Motorrad gouf et um Belair, tëscht zwee Autoen op der A1.

Den 112 mëllt 2 Accidenter vum Samschdeg Owend. Kuerz no 22 Auer sinn um Belair an der Areler Strooss en Auto an e Motorrad aneneegerannt, dobäi gouf eng Persoun blesséiert. An kuerz virun 23 Auer sinn op der A1 an Direktioun Tréier am Tunnel Houwald zwee 2 Autoen net laanschtenee komm. Och hei gouf et ee Blesséierten.

Kee Blesséierte gouf et zu Bour, wou e Kamäin gebrannt hat.