D’Impfbereetschaft vum Personal wier relativ grouss, d’Rendez-vouse wiere scho bal all fort.

Impfcampagne HRS/Reportage Fanny Kinsch

Zanter en Dënschdeg gëtt an de Spideeler uechter d’Land géint de Coronavirus geimpft. Dat ganzt Personal, also Dokteren, Infirmièren, Botzpersonal, Kichepersonal, Zouliwwerer, soll d’Méiglechkeet kréien, geimpft ze ginn.

D’Press krut en Dënschdeg de Moien en Abléck an d’Impf-Statioun vun den Hôpitaux Robert Schuman um Kierchbierg, wou och d’Personal aus dem Rehazenter a vun Omega 90 geimpft gëtt, 3.700 Persounen an enger éischter Phas.

219 Mataarbechter ware schonn am Dezember an der Victor Hugo Hal um Lampertsbierg geimpft ginn, seet de Marc Glesener, Kommunikatiounsbeobtraachte vun den Hôpitaux Robert Schuman: "Mir hunn u sech 2 grouss Gruppen, dat eent ass d'Prioritéit, déi Leit déi um Terrain direkt mat Covid-Patiente schaffen, an déi 2. grouss Grupp ass de Rescht vun de Leit. Dat heescht mir hunn eng Prioritéit ganz cibléiert gemaach am Ufank a vun elo un ass et fir d'ganzt Personal. Dat heescht 3.700 Leit Personal HRS + Zouliwwerer + Haus Omega + Rehazenter an dat kënnt dann op en Total vun ëm déi 3.700 Leit."

Zanter enger Woch kann d'Personal sech aschreiwen, fir geimpft ze ginn, eng 1.000 Persounen hunn dat och scho gemaach, sou dass 10 vun 12 Deeg schonn ausgebucht wieren. Bis ewell ginn et sécher Zousoe fir 3.510 Impfdosissen, mat deenen 1.755 Persoune kënne geimpft ginn. Et geet een awer dovunner aus, datt der do nach méi dobäi kommen, sou dass se da bis Enn Mäerz déi 3.700 Leit alleguer duerch hunn.

De Generaldirekter vun den Hôpitaux Robert Schuman Dr Claude Schummer: "Den Optrag ass jo vun der Regierung komm, dass mer d'Spidolsleit prioritär maachen, dat wëll ech och maachen, ech wëll och um Enn vun der Woch jidderengem, deen hei am Spidol schafft, eng Invitatioun kënne ginn an ech wëll och Enn Mäerz fäerdeg sinn, mee de Wonsch ass, dass mer net ophale mat eise Leit, ech wéilt och en Effort maachen, dass mer och kënnen eis vulnerabel Patienten impfen, esoubal d'Spidolspersonal geimpft ass."

"D'lescht Woch huet déi europäesch Medikamentenagence Ema decidéiert, datt am Plaz 5 och 6 Impfdosissen aus engem Flacon vu Biontech/Pfizer kënne geholl ginn. Et hätt een dat scho probéiert, seet d'Anne Otto, Responsabel vun der Apdikt am Spidol um Kierchbierg, a mat präziser Aarbecht kréich een och eng 6. eraus. Et wier een awer nach virsiichteg."

Am Chem zu Esch sollen dës Woch am Ganze 500 Leit geimpft ginn, d'Rendez-vouse si schonn ausgebucht. Wäit iwwert d'Hallschent vun de Mataarbechter wieren direkt bereet gewiescht, sech impfen ze loossen, seet de Koordinator Covid, vum Chem Dokter Serge Meyer, doriwwer eraus hätt een och eng Sensibiliséierungscampagne gemaach. Et kéint ee sech gutt virstellen, nom Personal och vulnerabel Patienten z'impfen.

"Ugeduecht ass dat sécher, dat ass och eng ganz logesch Iwwerleeung, vulnerabel Patiente sinn och oft gebriechlech Patienten, oft Patienten, déi sou wéi sou dauernd am Spidol aus an aginn, ech schwätze vun der Dialys, Chemo, geriatresch Patienten. Et wier vill méi logesch natierlech déi am Spidol ze impfen, bei engem Passage, wou se sou wéi sou do sinn, am Plaz, dass een déi an en Impfzenter dobaussen hëlt. Mir hunn awer déi Missioun vum Staat zur Zäit nach net kritt. "

Och de Generaldirekter vun de Robert-Schumann-Spideeler Dokter Claude Schummer hat proposéiert, datt vulnerabel Patienten am Spidol kéinte geimpft ginn.

D'Impfung ass eng grouss Hoffnung fir d'Spideeler, fir nees kënnen normal ze fonctionéieren. Aktuell wier een op engem Punkt, op deem een nees méi maache kéint, seet de Serge Meyer, Koordinator Covid, vum CHEM.

"An de leschte Wochen huet ee jo gesinn, dass d'Zuel vun den Neiinfektiounen erofgaangen ass, d'Zuel vun eise Patienten heibannen ass kontinuéierlech erofgaangen, fir sech elo ëm déi 30 Patienten am Spidol ze stabiliséieren. Dat huet et erlaabt, e ganze Koup zouen Zerwisser nees zu normalen Zerwisser ëm ze wandelen, esou wuel fir d'Medezin, wéi och fir d'Chirurgie a mir fänken och rëm u programméier Chirurgie, Réckechirurgie, orthopedesch Chirurgie ze maachen, déi virdru leie bliwwen ass."

Als Longendokter kämpft de Carlo Muller dagdeeglech un der Covid-19 Front mat. De Pneumolog weess nëmmen all ze gutt, wéi uerg d’Krankheet verlafe kann. An huet sech deemno als ee vun den Éischten e Méindeg impfe gelooss.

Dr Carlo Muller – Pneumolog: Ech sinn iwwerzeegt, datt d’Impfung deen eenzege Wee ass deem Virus bäizekommen. Wa jidderee matmécht, e maximum vun de Leit, da packe mer et, mee soss net.

Impfcampagne am Spidol - Reportage Fanny Kinsch

Hei dat offiziellt Schreiwes:

Début des vaccinations contre la COVID-19 dans les établissements hospitaliers (12.01.2021)

Communiqué par: ministère d'État / ministère de la Santé Suite à la livraison de 4.875 nouvelles doses du vaccin BioNTech/Pfizer, le 11 janvier, les quatre centres hospitaliers CHdN, CHEM, CHL et HRS, ainsi que le CHNP ont commencé à vacciner les professionnels de santé et des soins, ainsi que toutes les autres catégories de professionnels et sous-traitants, au sein de leurs structures.

975 doses du vaccin ont été livrées directement à chacun des quatre centres hospitaliers et au CHNP, ayant installé les équipements nécessaires au stockage du vaccin dans les conditions requises. Une prochaine livraison de 975 doses est prévue pour le 18 janvier. Ainsi, près de 3.900 collaborateurs peuvent recevoir la première dose du vaccin contre le SARS-CoV-2 au cours des deux prochaines semaines. La deuxième dose du vaccin sera administrée après 3 semaines.

La vaccination du secteur hospitalier entier, y compris donc les sites secondaires, voire autres structures - telles que le Centre François Baclesse, le Centre de réhabilitation du Château de Colpach, l'INCCI, le HIS, Haus Omega et le Rehazenter - sera organisée en collaboration avec les centres hospitaliers, ayant mis en place une procédure de vaccination autonome. Le déroulement dans les filières de vaccination se fera de la même manière que dans les Centres de vaccination (enregistrement des données, consultation médicale, administration du vaccin).

Il appartient à chaque établissement hospitalier de définir la priorisation selon les services étant les plus exposés au coronavirus ou considérées à risque.

Notons encore, que l'ensemble du personnel des établissements hospitaliers (environ 12.000 personnes concernées) sera vacciné au cours des prochaines semaines dans les hôpitaux. Les premières vaccinations des professionnels de la santé ayant été effectuées le 28 décembre dans le centre de vaccination Hall Victor Hugo.