Zu Beetebuerg huet um kuerz virun 10 Auer e Chalet am Bongert Altenhoven gebrannt.

Et war ee Chalet vun der Naturverwaltung, dee gebrannt hat. Vu datt Brandstëftung net kann ausgeschloss ginn, gouf eng Enquëte lancéiert. De Parquet huet d'Police judiciaire mat der Enquête befaasst.

Weider Virfäll

En Donneschdeg am Nomëtteg huet dann nach een Auto op der A3 a Richtung Stad tëscht dem Beetebuerger Kräiz an der Sortie Léiweng Feier gefaangen. Keng Persoun gouf blesséiert. Wéinst dem Virfall huet et gestaut.

RTL

© Ryck Thill / RTL Télé Lëtzebuerg

An der Stad huet géint 10.10 Auer en Auto an der Rue Edward Steichen um Kierchbierg gebrannt. Och hei ass kengem eppes geschitt.

Wéi de CGDIS mellt, koum et en Donneschdeg de Moien zu engem Accident zu Hesper, op 2 Plazen hat et gebrannt.

Géint 6 Auer gouf e Motocyclist liicht blesséiert, deen zu Hesper an der Diddenhuewenerstrooss gefall ass.