Dat äntwert de Staatsministère op eng parlamentaresch Fro vum Fred Keup.

Et gëtt kee mëndlechen Accord tëschent Ministeren oder héije Beamten aus dem Staatsministère an RTL iwwer d'Aart a Weis, wéi iwwert Pandemie kommunizéiert gëtt.

Den ADR-Deputéierten hat vun der Internetsäit vun engem Ex-Chefredakter vun RTL Radio zitéiert. Deen hat geschriwwen, de Chef de cabinet am Staatsministère hätt e mëndlechen Accord ausgehandelt, datt RTL prioritär Informatiounen iwwert de Verlaf vun der Pandemie géing kréien, wann d'Linn vun der Regierung géing agehale ginn.

Dat stëmmt, wéi de Staatsministère a senger Äntwert schreift, net.