En Donneschdeg huet d'Santé matgedeelt, datt d'Zuel vun de Mënschen, déi um oder mam Coronavirus gestuerwe sinn, op 785 geklommen ass.

Aktuell sinn 116 Persounen hospitaliséiert, dovunner 32 op der Intensivstatioun.

Zu Lëtzebuerg ginn et den Ament 3.201 aktiv Infektiounen. 60.563 Persoune gëllen als geheelt.

3.597 Mënsche kruten e Mëttwoch hir 1. Dosis, fir 2.566 Leit war et déi 2. Dosis. Am Ganze goufe bis ewell 147.515 Dosisse gesprëtzt.

Déi effektiv Reproduktiounszuel läit bei 1,22. Wann den Taux iwwert 1 läit, bedeit dat, datt eng Persoun, déi de Virus huet, am Duerchschnëtt méi wéi eng aner Persoun infizéiert.