D'Jeeër kréien eng Ausnam gemaach an däerfen lo och wärend der Zäit vum Couvre-feu op d'Juegd.

Den Ëmweltministère huet eng entspriechend Demande vun der Jeeërfederatioun accordéiert.

Wéinst dem Risiko vum Wëldschued wier et wichteg, datt d'Juegd ka praktizéiert ginn, och owes no 23 Auer a moies viru 6 Auer, schreift d'Ëmweltministesch Carole Dieschbourg.

Dës Exceptioun gëllt awer just fir Persounen, déi déi néideg Piècë kënne virweisen, wéi zum Beispill e Juegdschäin.