Mat Hëllef vun engem opmierksamen Zeien konnt eng Fra verhaft ginn, déi verdächtegt gëtt, an en Haus an der Fiels agebrach ze sinn.

Mat Ënnerstëtzung vun engem Helikopter konnt d'Fra direkt nom Abroch e Mëttwoch am fréien Owend um 17.20 Auer nach vun der Police gestallt ginn. Bei der presuméierter Täterin goufe geklaute Géigestänn an och Material, fir anzebriechen, fonnt. Si koum de Moie virun den Untersuchungsriichter. D'Géigestänn goufen beschlagnaamt.

Eng zweet verdächteg Persoun - e Mann - konnt nach net ermëttelt ginn.