An der Mëttesstonn koum et um CR103 zu engem méi uergen Accident. D'Strooss war wéinst dem Tëschefall an den Aarbechte blockéiert.

RTL-Informatiounen no hätt den Automobilist engem Bam, deen zu deem Moment gefall wier, probéiert auszewäichen, ma de Bam huet d'Gefier awer nach getraff. Den Impakt vum Bam huet dunn dofir gesuergt, datt d'Fënstere vum Gefier implodéiert sinn.

De Chauffer gouf blesséiert, de Samu an d'Rettungsdéngschter waren op der Plaz. D'Strooss huet misste gespaart ginn.