E Freideg de Mëtteg koum et zu Habscht zu engem bluddegen Tëschefall an engem asiatesche Restaurant.

Direkt e puer Policepatrullen, Ambulanze wéi och d'Police judiciare an technique waren op der Plaz.

Wéi et heescht wieren 2 Persoune relativ schwéier blesséiert ginn. Si koumen an d'Spidol.

Iwwert d'Hannergrënn ass nach näischt gewosst. De Parquet huet eng Enquête ugeuerdent.