De CGDIS mellt eng Rei Accidenter um Freideg den Owend an an der Nuecht op e Samschdeg. Och am Laf vum Dag koum et zu Virfäll.

Ee Blesséierte gouf et op der Streck tëscht dem Wandhaff a Capellen. Hei sinn um kuerz no 17.30 Auer um Freideg zwee Autoen net laanschtenee komm.

Kuerz virun 18.30 Auer goufen zwou Persounen zu Péiteng an der Avenue de l'Europe verwonnt, dat bei engem Accident mat zwee Gefierer.

Zu Munneref ass um 18.50 Auer e Freideg an der Lëtzebuerger Strooss eng Persoun vun engem Auto ugestouss ginn. Hei gouf et ee Blesséierten.

Géint 3.30 Auer an der Nuecht op e Samschdeg gouf eng Persoun schwéier blesséiert, dat wéi en Auto an e Moto an der Millebaacher Strooss an der Stad net laanschtenee komm sinn.

Géint 9.20 Auer gouf zu Rodange an der Avenue Dr. Gaasch eng Persoun vun engem Gefier ugestouss a gouf blesséiert. Hei waren d'Rettungsekippe vu Péiteng op der Plaz.

Da mellt de CGDIS nach vu 5 Auer um Samschdeg de Moien e Feier an der enger Garage zu Waasserbëlleg. Hei waren d'Rettungsdéngschter vu Mäertert, Manternach a Konsdref op der Plaz.

Kuerz virun 11 Auer mellt de CGDIS nach e Blesséierte bei enger Kollisioun tëscht engem Motocyclist en enger Remork um CR115 op der Héicht vum Rouscht an Direktioun Kruuchten.

Eppes no 12 Auer e Samschdeg de Mëtteg ass e Motocyclist op der Héicht vum Kanounenhaff a Richtung Uewereesbech gefall a gouf verwonnt.

Op der Tréierer A1 Direktioun Lëtzebuerg war et géint 12.15 Auer nach eng Kollisioun tëscht 2 Gefierer. Hei sinn 3 Blesséierter ze bekloen.

Zu Esch ass géint 15 Auer en Auto an engem Bensinsstatioun gerannt. Hei sinn 2 Persoune verwonnt ginn.

A kuerz viru 16 Auer krute sech op der N27 Ierpeldeng/Sauer a Richtung Méchela e Motocyclist an en Auto ze paken. Och hei gouf et ee Blesséierten.