Wéi de CGDIS mellt goufe véier Persoune bei Accidenter vun e Mëttwoch op en Donneschdeg blesséiert.

Um Donneschdeg géint 5.40 Auer koum et zu enger Kollisioun tëscht engem Auto an engem Camion op der A6 tëscht Stroossen an dem Briddel. Eng Persoun gouf blesséiert a vun de Rettungsdéngschter aus de Stad a vu Mamer versuergt.

Um Mëttwoch

Géint 21.45 Auer ass zu Péiteng an der Rue de la Piscine eng Persoun vun engem Auto ugestouss ginn.

Ee Blesséierte gouf et jeeweils bei enger Kollisioun vun zwee Gefierer e Mëttwoch am fréien Owend. Eng Kéier zu Schëffleng an eng Kéier op der A3 tëscht Léiweng an dem Beetebuerger Kräiz.

Bei engem Accident op der N12 Räichel-Rippweiler blouf et no enger Kollisioun vun 2 Autoe beim Materialschued.