Wéi de CGDIS mellt, koum et e Freideg den Owend, respektiv an der Nuecht an e Samschdeg de Moien zu e puer Accidenter.

Zu Esch an der Rue du X Septembre gouf eng Persoun op enger Motocyclette géint 18 Auer bei engem Accident mat engem Auto blesséiert. Zu Péiteng an der Nidderkuerer Strooss gouf eppes virun 19.30 Auer eng Persoun ugestouss a blesséiert. An am Rond-point Raemerich si kuerz viru 4 Auer an der Nuecht 2 Autoen accidentéiert. Hei goufe 4 Persoune blesséiert, 4 Ambulanzen an 2 Samusdoktere waren op der Plaz.

E Samschdeg kuerz virun 9.30 Auer koum et dann nach zu engem Accident zu Esch an der Bielesser Strooss. En Auto an e Moto krute sech do ze paken. Ee Blesséierter ass dobäi ze bekloen.