D'Santé deelt mat, datt d'Zuel vun de Persounen, déi um oder mam Coronavirus gestuerwe sinn, elo bei 888 läit.

Aktuell sinn 72 Persounen hospitaliséiert, dovunner sinn 23 Patienten op der Intensivstatioun.

Am Ganze goufe bis ewell 940.551 Impf-Dosisse genotzt. 3.904 Leit sinn e Méindeg geimpft ginn, fir 683 Leit war et déi éischt Impfung, bei 518 déi zweet. 2.703 Opfrëschungsimpfunge goufen et zudeem.
E Méindeg louch den Inzidenzwäert bei den Net-Geimpfte bei 52,77 op 100.000 Awunner, dee vun de Geimpfte bei 20,59 op 100.000.

Déi effektiv Reproduktiounszuel läit bei 1,04. Wann den Taux iwwert 1 läit, bedeit dat, datt eng Persoun, déi de Virus huet, am Duerchschnëtt méi wéi eng aner Persoun infizéiert.