D'Gemeng Keel-Téiteng huet nach ëmmer keen neie Schäfferot, dee sollt en Donneschdeg de Moie gewielt ginn.

Wéi et vum Concernéierten an dem CSV-Conseiller Jean Weiler RTL géintiwwer heescht, hätt de Gemengepapp dem Marcel Humbert seng verkierzte Quarantän no enger Covidinfektioun net acceptéiert, well e keen offizielle Certificat virweise konnt, nees gesond ze sinn.

7 Gemengeréit hunn doropshin aus Protest de Sall verlooss an d‘Sitzung war domadder de facto eriwwer. De sozialistesche Buergermeeschter faisant fonction John Lorent betount, datt et dat Normaalste vun der Welt wier, all sanitär Precautiounsmesuren ze huelen, fir eng Gemengerotssitzung anstänneg z'organiséieren

Hien hätt just wëllen dem Här Humbert säi "Genesenencertificat" wëlle gesinn. Net méi an net manner. Deen hätt de Betraffenen awer net derbäi gehat.

Si wieren déi Lescht, déi géifen op Zäit spillen, sou de John Lorent RTL géintiwwer nach. En Datum fir en nächst Gemengerotssëtzung gëtt et nach net.