Wéi de CGDIS en Donneschdeg de Moie mellt koum et zu Zolwer an tëscht Léiweng a Beetebuerg zu jeeweils enger Kollisioun mat am Ganze véier Blesséierten.

Géint 18.20 Auer koumen zu Zolwer an der Rue d'Esch zwee Autoen net laanschteneen, méi genee op der Kräizung vun der Escher Strooss mat der rue de la Croix. Dräi Persoune goufe beim Accident liicht blesséiert. Am Asaz waren d'Rettungsdéngschter vun Esch a Suessem/Déifferdeng. D'Streck war fir d'Dauer vun den Opraumaarbechte gespaart. Wéi et heescht hätt eng Fra hannert dem Steier d'Kontroll iwwert hire Won verluer, wier de Rampli erof gefuer a widder e Bam gerannt.

Kuerz no 18 Auer koum et och um RN31 tëscht Léiweng a Beetebuerg zu enger Kollisioun tëscht zwee Gefierer. Och hei gouf et ee liicht Blesséierten, dee vum Rettungsdéngscht vun Diddeleng an der Ambulanz vu Réiser versuergt gouf.

En Donneschdeg de Moien huet et och op zwou Plazen am Land geknuppt: ëm kuerz viru 6 Auer ass an der Rue d'Abweiler zu Beetebuerg een Auto an ee Bam gerannt. Et gouf ee Blesséierten, Secouristen aus Beetebuerg an Diddeleng ware sur Place. Zu Diddeleng sinn dunn ëm 7.45 Auer an der Z.A.E. WOLSER zwee Autoen net laanschtenee komm. Och hei gouf eng Persoun blesséiert.