Zu Lëtzebuerg gouf et nach kee Verdachtsfall oder confirméierte Fall vun Afepouken. Trotzdeem wëll d'Santé an deem Kader sensibiliséieren.

D'Afepouke breede sech weider aus – mëttlerweil wëssen d'Autoritéite vun 2 Fäll an Däitschland an et misst een dovun ausgoen, dass nach weiderer derbäi kommen. De Robert Koch-Institut warnt et soll ee virsiichteg sinn, ma mat enger Infektiounswell misst een den Ament net rechnen. Ob et sech bei den 2 Fäll ëm déi zentralafrikanesch Variant handelt, déi méi schwéier Verleef kann hunn, oder déi westafrikanesch ass nach net gewosst. Dat soll mat Analysen an den nächsten Deeg erausfonnt ginn.

An der Belsch gouf e véierte Fall vun Afepouke festgestallt. D'Originn ass bei den dräi aneren Infektiounen och e Festival uganks des Mounts zu Antwerpen. D'Weltgesondheetsorganisatioun geet dovunner aus, datt d'Infektiounszuele weider klammen, well och ëmmer méi Länner elo Kontrolle maachen. Bis elo goufen d'Afepouken an op d'mannst 12 Länner nogewisen, wou se normalerweis net zirkuléieren.

Déi meescht Infektiounen mat Afepouke verlafen dem europäesche Regionaldirekter vun der WHO no douce, se sinn awer atypesch, well déi meescht vun de Concernéierte rezent net a West- oder Zentralafrika waren, do wou de Virus normal zirkuléiert. Den Hans Kluge fäert, datt d'Iwwerdroung elo an der Summersaion duerch Festivallen, Partyen a Massenevents acceleréiert kéint ginn. Intim Kontakter sinn e méiglechen Iwwerdroungswee. Experte ginn dovunner aus, datt eng Pandemie mat Afepouke, wéi bei Corona, nëmme wéineg probabel ass. De Virus wier zanter Jore bekannt. An Zentral- a Westafrika géif et reegelméisseg Ausbréch ginn.

Nach kee Fall zu Lëtzebuerg

D'Lëtzebuerger Santé huet e Samschdeg de Moie matgedeelt, dass am Grand-Duché bis ewell nach kee Fall vun Afepouke gemellt gouf. Et wier awer wichteg, opmierksam ze bleiwen. D‘Symptomer sinn ënner anerem Ausschlag op der Haut, Féiwer, Kappwéi, Wéi an de Muskelen an am Réck, geschwolle Lymphdrüsen, Schüttelfrost a Middegkeet.

Wien esou Symptomer huet, soll sech am Service National vun den Infektiounskrankheeten am CHL mellen. D'Afepouke verbreede sech virun allem duerch e sexuelle Kontakt oder duerch Kontakt mat Kierperflëssegkeete vun enger infizéierter Persoun. Besonnesch Persounen, déi vill verschidden Partner hunn oder homosexuell Männer, sinn engem méi héije Risiko ausgesat, dës Krankheet ze kréien.

Persounen, déi e Verdachtsfall vun Afepouken duerstellen, ginn och gefrot, op sexuell Aktivitéit ze verzichten an och soss näischt z'ënnerhuelen, wou enke Kierperkontakt besteet, bis eng Infektioun ausgeschloss respektiv ausgeheelt ass.

Schreiwes

Pas de cas de variole du singe à ce jour au Luxembourg (21.05.2022)

Communiqué par : ministère de la Santé
Le ministère de la Santé signale qu'il n'y a pour le moment aucun cas de variole du singe suspect ou confirmé au Luxembourg.

La situation est surveillée de très près avec les partenaires européens. Il s'agit pour le moment de sensibiliser à la propagation potentielle du virus de la variole du singe.

La variole du singe : une maladie virale rare

La variole du singe est une maladie virale rare, transmissible à l'homme par des animaux. La transmission interhumaine est rare, mais possible, surtout en cas de contact étroit, avec in risque plus élevé pour les personnes ayant des partenaires multiples et les hommes ayant des rapports sexuels avec les hommes. Les virus de la variole du singe sont répandus en Afrique Occidentale et Centrale chez les rongeurs.

Quel est le mode de transmission ?

La variole du singe se transmet par contact sexuel avec une personne atteinte ou ses fluides corporels, y compris la salive.

Quels sont les symptômes ?

Les symptômes sont les suivants : éruptions cutanées, fièvre, mal de tête, douleurs musculaires, mal de dos, ganglions lymphatiques enflés, frissons et fatigue. Tout cas suspect et toute personne présentant des symptômes indiquant la variole du singe doit consulter le service national des maladies infectieuses du CHL et s'abstenir de toute activité sexuelle ou de tout autre type d'activité impliquant un contact étroit jusqu'à ce que la variole du singe soit exclue ou que l'infection soit résolue.