E Méindeg de Moie géint 6.20 Auer ass tëscht Boxer a Clierf en Automobilist mat sengem Gefier an e Bam gerannt. De CGDIS mellt 1 Blesséierten.

Am Asaz waren d'Pompjeeën an d'Ambulanz vu Clierf.

Kuerz virun 9 Auer gouf et dunn nach e Blesséierten no engem Accident zu Beetebuerg an der Munnerefer Strooss. Den Escher Samu war op d'Plaz geruff ginn, grad ewéi d'Pompjeeë vu Beetebuerg an Diddeleng, an d'Diddelenger Ambulanz.

Zu Réimech huet et géint 12 Auer op der Route de Vin tëscht zwee Autoe geknuppt. Eng Persoun gouf dobäi blesséiert. Géint der Mëtteg gouf och zu Beetebuerg eng Persoun an engem Accident blesséiert. Op der A13 gouf et een Accident mat engem Blesséierten tëscht dem Tunnel Éilereng an dem Tunnel Aessen. Och hei waren zwee Autoen net laanschtenee komm.